كيفية التتبع

بننصح باستخدام صفحة الطلبات في قسم "حسابي" عشان تلاقي تواريخ التسليم، وحالات التتبع المحددة، وتفاصيل التسليم المهمة لكل منتج مطلوب. عشان توصل لمعلومات تتبع شاملة وتقدر تغير تفاصيل التسليم دوس على المنتجات اللي محتاج تعرف عنها معلومات في صفحة الطلبات.

بالنسبة للطلبات اللي فيها منتجات مختلفة، ممكن توصلك الطلبية في شحنات مختلفة بتواريخ تسليم محددة وتفاصيل تتبع. اعرف أكتر من المقالة دي.

هنبعتلك كمان إشعارات (إيميل، ورسايل نصية، وإشعارات على الأبلكيشن) طول رحلة التسليم.

حالة التتبع

يمكنك الرجوع إلى الحالات التالية لفهم مسار تسليم طلبك:

1. قيد المعالجة - في المرحلة دي، بتكون منتجاتك في مرحلة المراجعة. وفريقنا بيتصل بيك على تليفونك لو احتاجوا لتأكيد تفاصيلك. وهتلاقي التحديثات دي في صفحة الطلبات.
2. تم تأكيد الطلب - جاري تجهيز منتجاتك وبنلتزم بتسليمها في الوقت المحدد. تقدر تلاقي التحديثات دي في صفحة الطلبات، وهنبعتلك كمان تأكيد الطلب على الإيميل.
3. تم تغليف المنتجات - تم تغليف منتجاتك في شحنات وهيتم تسليمها إلى مندوب التوصيل. إلغاء الطلبية وإعادة جدولتها متاحة في صفحة الطلبات.
4. تم إرسال الطلبية - منتجاتك مع مندوب التوصيل. معظم المنتجات تستخدم نون اكسبريس وهنبلغك لو كان التسليم هيتم عن طريق شركة وسيطة أو البائع. إذا تم استخدام مندوب شركة وسيطة، دوس على "تتبع الطلبية" عشان تعرف معلومات أكتر عن طلبيتك. وإذا كان نون اكسبريس هيوصلك منتجاتك، هيتم دايمًا تحديث صفحة الطلبات برسالة نصية في المرحلة دي.
5. في الطريق للتسليم - شحنتك طلعت من المخزن وفي طريقها ليك. بمجرد ما نقرب من موقعك، تقدر تتصل بمندوب التوصيل مباشرة. ممكن نحتاج كود تسليم للمنتجات اللي قيمتها عالية.

هتلاقي تفاصيل التتبع دي في صفحة الطلبات. (غير قابلة للتطبيق على شحنات الشركات الوسيطة والبائعين ونقطة استلام نون.)

هنبعتلك كمان رسالة نصية للمنتجات الكبيرة، أو إذا كان تسليمك هيحتاج كود تسليم. وفي الحالة العادية هنبعتلك إشعارات على الأبلكيشن والإيميل.

6. في انتظار الاستلام - بالنسبة لطلبيات نقاط استلام نون: ليك فترة 5 أيام لاستلام طلبك ابتداءً من تاريخ وضعه في نقطة استلام نون. تقدر تلاقي كود نقطة الاستلام ورابط Google Maps وكود QR في صفحة الطلبات.